• Ondasun Higiezinen Gaineko Zerga (OHZ), ura, zaborra eta ibilgailuen gaineko zergaren dirulaguntzak eskatzeko data 2024ko martxoaren 10etik martxoaren 25era egongo da zabalik.
• Irisgarritasun lanei eta kiroldegiko jarduerei eta kultur ikastaroei dagozkien tasekin lotutako diru-laguntzetarako, eskaerak urte osoan zehar aurkeztu ahal izango dira.

Lazkaoko Udalak jakinarazi du 2024rako udal tasa eta zergen arloan dirulaguntzak emateko deialdia onartu dela.

Dirulaguntzek kontzeptu hauek biltzen dituzte:

• Ondasun Higiezinen gaineko Zerga (OHZ) ohiko etxebizitzarako.
• Ur-zerbitzuaren eta zabor-bilketaren tasak.
• Trakzio mekanikoko ibilgailu zerga (Familia ugarien kasuan).
• Ezintasuna edo mendekoasuna duten pertsonek, irisgarritasun obren gaineko zergak.
• Udal kiroldegiko jarduera eta kultur ikastaroetako tasak.

OHZ, ura, zaborra eta ibilgailuen gaineko zergaren dirulaguntzak eskatzeko data 2024ko martxoaren 10etik martxoaren 25era egongo da zabalik. Irisgarritasun-obretarako eta kiroldegiko jardueren eta kultur ikastaroen tasetarako dirulaguntzetarako eskabideak urte osoan zehar aurkeztu ahal izango dira.

Eskaera bakoitza Lazkaoko Udaleko dagokion departamentuan aurkeztu beharko da. Eskaera prozesuari eta baldintza zehatzei buruzko informazio gehiago nahi izanez gero, interesatuek udalaren www.lazkao.eus webgune ofiziala bisitatu dezakete edo 943 088 080 telefono zenbakira deitu.

Lazkaoko Udalak herritarrei laguntzen jarraitzeko konpromisoa hartzen du neurri hauen bitartez, udal zerbitzuetara sarbidea erraztuz eta komunitateko bizi kalitatea hobetuz.