Helduentzako programazioan Incontrolable, Cada día nace un listo, Pioneras: Solo querían jugar eta El día de la revelación filmak eskainiko dira. Haurrentzako proiekzioetan Fleak: Lagun berri bat mundu magiko batean, Shrek: 25 aniversario eta euskaraz eskainiko den Los Pérez-Osos filmaren estreinaldia izango dira ikusgai.
Merkatarien kanpainako 2.000 bonu berriak plazan egongo dira eskuragarri, 17:00etatik 19:00etara, maiatzaren 27an; 28tik aurrera, udaletxean erosi ahal izango dira. Bonuak 30 euroko prezioa du eta 40 euroko balioa. Pertsona bakoitzak gehienez hiru bonu erosi ahal izango ditu. Nekazal ekoizlarien kanpainan 20 €-ko 200 bonu eskaintzen dira, Udalean eskuragarri egongo direnak eta parte hartzen duten ekoizleentzat soilik.
Interesdunek aurrez aurre edo telematikoki aurkeztu ahal izango dituzte eskaerak Lazkaoko Udalean edo Lanbideren bidez, maiatzaren 25era bitarte.
Lazkaoko anbulatorio berriaren obrak aurrera doaz eraikin zaharra eraitsi eta hondakinak kendu ondoren. Datozen asteetan hasiko dira zentro berriaren eraikuntza-lanak. Inbertsioa 3 milioi eurokoa izango da, eta 18 hilabeteko exekuzio-epea aurreikusten da.
