Doako ikastaroak emakumeen autoezagutza, sormena eta ongizatea sustatuko ditu, gorputzaren, dantzaren eta mugimenduaren bidez. Lehen saioa urriaren 21ean hasiko da, eta guztira hamar izango ditu, asteazkenetan 11:00etatik 12:30era Lazkaoko kiroldegian eskainiko direnak. Interesa duten emakumeek Lazkaoko Udalean bertan edo udalaren webgunearen bidez, www.lazkao.eus, egin dezakete izen-ematea.
Bilkura 18:30etan izango da Udaletxeko Osoko Bilkura Aretoan.
Udalak jendaurrean jarri du indarrean dagoen hautesle-errolda, Diputatuen Kongresurako eta Senaturako hauteskundeen deialdia dela eta. Herritarrek erreklamazioak aurkezteko aukera dute, erroldan behar ez bezala sartu edo kanpoan utzi badituzte.
Bi abesbatzek 19:00etan eskainiko dute emanaldia Lazkaoko mojen komentuan, Lesbosen errefuxiatuta dauden pertsonen egoera ikusaraztea eta Zaporeaken lan humanitariorako dirua biltzea helburu duen ekimen batean.
