Beneditarren Fundaziora bisita gidatuak egingo dira ostegunean, azaroaren 5ean, 18:30ean, eta larunbatean, azaroaren 7an, 11:00etan. Ostiralean, azaroaren 6an, Kirol Sariak 2026 ekitaldia izango da Arerian, 19:00etan. Ostiralean bertan estreinatuko da "Sacamantecas" filma, eta astelehenera bitarte, azaroaren 9ra, izango da ikusgai euskaraz. Larunbatean, azaroaren 7an, berriz, Kantaka, Aita Donostia, Julian Barrenetxea eta Urmaiz abesbatzen kontzertua izango da San Migel parrokian, 19:00etan.
Adin guztietako herritarrei zuzendutako ibilaldiak astearte eta ostegunetan izaten dira, 10:30ean, Lazkaoko plazatik abiatuta. Orain arte bezala, hilabete bakoitzeko azken asteartean Lazkaoko Ikastolako ikasleak eta Txindoki zentroko erabiltzaileak elkartzen dira belaunaldien arteko ibilaldia egiteko.
Irteera 08:00etan izango da, Lazkaoko Itzala tabernatik, eta handik Lizartzara joango da taldea, ibilbideari ekiteko. Ibilbideak 10,5 kilometroko luzera eta 472 metroko desnibel positiboa izango ditu. Basabe errekatik, Axurdarioko trikuharritik, Elorrigainatik eta Arane errotatik igaroko da, eta Orexako bidetik itzuliko da Lizartzara.
Bisita gidatuak azaroaren 5ean, 18:30ean, eta azaroaren 7an, 11:00etan egingo dira, eta beneditarren ondare historikoa eta dokumentala ezagutzeko aukera eskainiko diete parte-hartzaileei.
