Albisteak
Lazkaoko Udalak osoko bilkura egingo du asteartean, urtarrilak 30, 19:00etan udaletxeko batzar aretoan.
Bihar ospatuko den San Bosko egunaren atarian, Lazkaoko, Beasaingo eta Ordiziako Udaltzaingoak herri horietako ikastetxeetan izan dira aste honetan zehar, alkoholaren kontsumoari buruzko tailer bat eskaintzen.
2017ko urtealdiari dagokion Zerga eta Prezio Publikoen Egutegi Fiskalean zehazten denez, uraren gaineko tasan 3. hiruhilekoari dagokion ordainketa egiteko epea urtarrilaren 25etik martxoaren 10era izango da. Helbideratutako erreziboak otsailaren 14an kobratuko dira.
Herri baratzeetako erabiltzaile izateko hautagai onartuen eta baztertuen behin-behineko zerrenda honako lotura honetan kontsulta dezakezu: Herri Baratzeak.
2018ko San Prudentzio jaiak antolatzeko lehen bilera datorren asteazkenean, urtarrilak 31, izango da.
Euskadiko Indoor arku tiraketa txapelketa egitekoak ziren igandean, urtarrilak 28, Joxemiel Barandiaran kiroldegian. Baina antolatzaileek adierazi dutenez, bertan behera geratu da.
Goierriko Urrup antzerki taldeak “Zuek nahi bezala” antzerkia taularatuko du otsailaren 2an (ostirala) Lazkaoko Areria aretoan. Ikuskizunerako sarrerak salgai daude udaletxean.
Txakurrak libre ibili ahal izateko gune bat egokitu da Dukeen parkean. Itxitura baten barruan, txakurrak solte utzi ahal izango dira.
Goazen! taldeko kideek Lazkaon egingo dituzten emanaldietarako sarrerak udaletxean daude salgai.
Goazen! taldeak Lazkaon egingo dituen bi emanaldietarako sarrerak ostegunean (urtarrilak 18) jarriko dira salgai, Areriako leihatilan. 17:00etatik 19:00etara egongo da irekita leihatila.
Gerrikok, Maizpidek eta Lazkaoko Udalak antolatutako XVIII. Gerriko Ikerlan Bekara lanak aurkezteko epea ostiralean, urtarrilak 19, amaitzen da (eguerdiko 12:00etan). Goierriri dagokion edozein zientzia alorretako ikerlanak aurkeztu daitezke bekara, euskarazkoak, originalak eta beste inon saritu eta argitaratu gabeak. Lanak Gerriko Kultur Elkartean aurkeztu behar dira.
Lazkaoko Udalak 2017ko ohiko etxebizitzako ura, estolderi, zabor eta hiri lurren ondasun higiezinen gaineko zerga tasengatik ordaindutakoa berreskuratzeko laguntzak emango ditu. Laguntzak eskatzeko epea urtarrilaren 15etik otsailaren 1era izango da. Eskerak udaletxeko Gizarte Zerbitzuetako departamentuan egingo dira.
Lazkaoko Udaleko Berdintasun batzordeak 2018rako ekintzak zehazteko lanean jarraitzen du. Asteazkenean, urtarrilak 10, egingo du bigarren bilera irekia, 19:00etan, udaletxean, herritarren ideiak eta ekarpenak biltzen jarraitzeko. Berdintasun batzordeak urrats bat gehiago eman nahi du, eta herriko eragileei eta interesatuta egon daitekeen edonori dei egiten zaie asteazkeneko bileran parte hartzera.
Astotxo Egunaren barruan egin zen "Egiptorako ihesa" antzezlana iruditan (Yurena Sanchez Paniaguaren argazkiak)
Astotxo eguneko asto desfilea iruditan (Yurena Sanchez Paniaguaren argazkiak)
Errege kabalgata iruditan. (Yurena Sanchez Paniaguaren argazkiak)
Zubierreka auzoan dauden herri baratzak erabili ahal izateko aukera eskainiko du aurten ere Lazkaoko Udalak. 50 metro koadroko 30 baratza dira guztira, eta Agauntza ibaiaren meandroan daude kokatuta. Herri baratza horietako bat erabili nahi duenak urtarrilaren 15era arteko epea izango du udaletxean eskaera egiteko (eguerdiko 12:00ak arte).
Txikienek ere parte hartu zuten Lazkaoko San Silbestre proban abenduaren 31 (Yurena Sanchez Paniaguaren argazkiak)
Abenduaren 31n Lazkaon egin zen San Silbestre lasterketa iruditan (Yurena Sanchez Paniaguaren argazkiak):
Donostiako Orfeoiak emanaldia egingo du Lazkaon urtarrilaren 27an, larunbata. Areria aretoan izango da, 20:00etan hasita. Sarrerak Lazkaoko udaletxean egongo dira salgai asteartetik aurrera, 20 euroan. Egunean bertan 25 euroko balioa izango dute. Sarrera guztiak zenbakituak izango dira.
Lazkaoko Euskadi plazako pilotalekuan atzo ireki zuten izotz pista, abenduaren 30era arte. Lau egunetan egunero egongo da irekita, 11:00etatik 13:30era eta 16:30etik 20:30era.